كتير سألوا عنه
و الرجوع طلبوا منه
قالهم غلط في العنوان
قالوا له ليه مش انت واحة الفنان؟
بانت ضحكته
و عليت نبرته
قالهم عمري ما كنت زمن الفن الجميل
أنا طول عمري فن الزمن الجميل!
********
كان الدفا مش السخان
كان الدفا بيت الجيران
كان الرادع هو الضمير
مكانش الرادع مراقبة المدير
كان الصاحب هو الأمان
مكانش الصاحب عقدة الإنسان
كان الحب متزين بورود الأوفيا
مكانش مسجون في سجن الأ ُضحيا
*********
عايزنّي اتغير؟
مفيش حاجة تحير
خلوا قلوبكوا لونها أبيض...بلاش اسود
متخلوش قلوبكوا منافقة بألوان!
قالوا له بس ارجع عشانا
ممكن رجوعك يغيرنا
قالهم عايزني ارجع زي زمان
قولوا للزمان ارجع يا زمان
ليست هناك تعليقات:
إرسال تعليق